Gleðilegt nýtt ár 2010

Það er ekkert smá skrítið að skrifa 2010 því að í stað þess að gera alltaf tvö núll í röð þá er bara eitt núll og stafur í milli og svo núll aftur.

Árið 2009 var sko viðburðarmikið og allt í óvissu til að byrja með en svo fór landinn að taka við sér og fatta að það væri alveg hægt að lifa þótt það væri kreppa bara aðeins að minnka við sig. Það þurfti ekki alltaf að vera að fara einu sinni á ári og allt að 3 sinnum á ári til útlanda. Fólk fór loks að uppgötva hver landið okkar er fagurt og hvað það hefur upp á mikið að bjóða. 

Ég er sjálfur er ekkert hissa á þessari kreppu ég vissi að hún kæmi einhverntíman og því fyrr því betra því að þá er hún bara búin og það á eftir að koma góðæri aftur eftir segjum svona 5 ár. Ég er samt ekkert viss um að það verði farið í mikið af nýbyggingum heldur verður farið að gera við og halda þeim hýbýlum sem til eru hérna því að það eru til yfirdrifið nóg af húsum hérna á Íslandi og það eru heilu hverfin sumstaðar sem eru bara draugahverfi fyrir það að verktakar voru að byggja og byggja því að þá voru til "nógir peningar" eða það héldu menn. Bankarnir að lána hinum og þessum lán fyrir margar milljónir og sögðu að þetta væri allt í góðu og myntkörfulán væru besti kosturinn, en þvílík vittleisa sem það er. Menn voru leiddir í gildru allir landsmenn og það sem verst er að bankastarfsmennirnir voru plataðir og þeim sagt að þetta væri það besta í þá, og þeir trúðu því bara eins og ekkert væri. En í raun var bara verið að ræna Ísland frelsinu og lýðræði. Ég sé ekki betur en að við séum að fara undir Hollendinga og Breta næstu áratugina eftir að það var samþykkt á alþyngi að gangast undir að borga þessar milljarðaskuldir. Þannig að þetta er aftur orðið þegar við vorum undir Dönum, en bara aðeins verra því að núna erum við bara komin undir tvær þjóðir. Hvert erum við að fara, við þurfum að horfa upp á börn, barnabörn og barnabarnabörn borga þessar skuldir. Þetta er náttúrlega bara fáránlegt, ég segi að við hefðum bara átt að reka þennan samning í fésið á Bretum og Hollendingum og standa á okkar rétti og segja þeim að þeir hefðu átt að vita betur.

Ég er brjálaður. Þetta kemur niður á okkur á allan hátt þótt svo að menn virðast ekki taka eftir því, þetta kemur niður á árangri okkar í vinnu, skóla og bara í okkar almenna lífi. Við erum alltaf eitthvað að hugsa um þetta. þúsundir manna eru atvinnulausir og sjá ekki fram á að getað framfleitt fjölskyldum sínum og þurfa þess vegna að leita sér hjálpar.

Við vorum eitt sinn talin ríkasta þjóð í heimi og vorum vel virt og vorum mjög vinnslæl en sjáið í dag, við erum enn vinsæl. Það var litið niður á okkur í byrjun en svo fóru menn að átta sig á því að við myndum ekki gefast upp og það hefur sannað sig heldur betur. Það líður ekki langt þangað til að við reisum okkur upp úr þessum skít og verðum bara betri og vitrari fyrir vikið að hvað?? Verðum eins vitlaus og við vorum, förum að flytja inn heilu farmana af bílum og eiða eins og enginn sé morgun dagurinn. Taka lán fyrir sjónvarpi, það er bara asnarlegt að taka lán fyrir sjónvarpi. Ef mann langar í sjónvarp þá þarf það bara það gott að þú sjáir hvað er á skjánum og búið 14.000 kr sjónvarp er alveg nógu gott.

En ég er hættur þessu nöldri, þetta er komið gott.
adios

Narfi Freyr